Janë shpallur në kërkim tre persona, pasi dyshohet se kanë vjedhur një shumë prej 9 mijë eurosh në një zyrë avokatie në Tiranë. Policia ka sekuestruar 30 mijë euro, një automjet, veshje dhe mjete (kaçavida, dalta), që autorët dyshohet se i kanë përdorur gjatë vjedhjes. Shuma prej 30 mijë eurosh është gjetur në shtëpinë e njërit prej personave të shpallur në kërkim.
Nga njoftimet e autoriteteve të shpallurit në kërkim janë dy meshkuj dhe një femër, përkatësisht Elton(Fatjon) Lika, Armalind Rrokaj, Eljona Rrokaj (Nelaj), të tre banues në kryeqytet. Sakaq, vijohet puna nga grupi hetimor për lokalizimin dhe kapjen e autorëve.
