DURRËS– Deputeti demokrat Enkelejd Alibeaj gjatë prezantimit të kryetarit të ri të PD në Durrës , është shprehur se regjimi i kryeministrit Edi Rama po varfëron çdo ditë e më shumë shqiptarët, duke shtuar se beteja e PD është largimi i këtij regjimi.
“Dje në prezantimin e Kryetarit të degës së PD Durrës, Joni Myshketa. I riu durrsak që do të drejtojë një nga degët me të rëndësishme dhe vitale të demokratëve. Takimi i djeshëm me pjesëmarrjen dhe Ferdinand Xhaferrit, i deleguari i qarkut dhe Sekretarit Organizativ Flamur Hoxha, i shërbeu dhe procesit të riorganizimit të PD-së në Durrës. Demokratet po kalojnë një periudhë të vështirë mes problemeve të brendshme, por një gjë është e qartë: përballë nesh qëndron Edi Rama! Në krye të një regjimi që po i varfëron dhe largon shqiptarët çdo ditë e më shumë. Vetëm një ndryshim rrënjesor, me alternativën dhe mendësinë e një klase të re politike, do të mund të risjellë shpresën dhe mirëqenien e merituar për shqiptarët”, shkruan Alibeaj në Facebook.
