Humb jetën 70-vjeçari në Himarë gjatë lëvizjes me makinë

Mesditen e kësaj të hëne, një 70-vjeçar në Himarë ka humbur jetën brenda automjetit të tij. I moshuari  teksa po drejtonte makinën me të cilën lëvizte bashkë me djalin e tij, nuk është ndjerë mirë nga ana shëndetësore, dhe për këtë shkak ka ndaluar automjetin. Vetëm pak minuta pasi ka ndaluar automjetin, 70-vjeçari ka humbur jetën, në automjet. Shkak i vdekjes dyshohet të jetë arresti kardiak. Ndërkohë grupi hetimor vijon të punojë për të dokumentuar ligjërisht shkakun e humbjes së jetës.