Kallëzohet penalisht në SPAK, kreu i Bashkisë së Tropojës, Rexh Byberi. Ai akuzohet nga banorët për shpërdorim detyre.
Sipas banorëve të zonës, krybashkiaku i Tropojës është i përfshirë në aktivitete kriminale.
Denoncuesit theksojnë se këtë aktivitet kriminal, Byberi e ushtron me djemtë e xhaxhait të tij.
“Ne kallëzuesit jemi banorë të Bashkisë Tropojë, ku po bëjmë rreth 3 vjet që sorollatemi nga kryetari i bashkisë Rexh Byberi duke mos gjetur zgjidhje. Kryetari i bashkisë Tropojë Rexh Byberi është i përfshirë në aktivitete kriminale, dhe për këtë arsye jemi duke bërë këtë kallzim ku e akuzojmë për veprën penale të “Shpërdorimit të detyrës” parashikuar nga neni 248 i K.Penale dhe për veprën penale të “Korrupsioni pasiv i funksionarëve të lartë shtetërorë ose i të zgjedhurve vendor”.
Këtë aktivitet kriminal ky kryetar bashkie e ushtron me djemtë e xhaxhait të tij ku një prej tyre është dhe i kallëzuari prej nesh Avni Byberi, akuzuar për veprën penale të “Korrupsioni aktiv i funksionarëve të lartë shtetërorë ose i të zgjedhurve vendor” parashikuar nga neni 245 i Kodit Penal dhe “Pastrim i produkteve të veprës penale” të parashikuar nga neni 287 i K.Penal.”, thuhet në denoncimin e banorëve.
/ Newszone
