Dy automjete janë përplasur këtë pasdite në qytetin e Vlorës, duke lënë të plagosur 3 persona, anëtarë të një familje.
Ngjarja ka ndodhur në kryqëzimin e quajtur “Kali i Trojës”, ku automjeti me drejtues Sh. Xh., 59 vjeç, banues në Itali, është përplasur me automjetin me drejtues D. T., 23 vjeç, banues në Vlorë.
Sipas informacioneve paraprake nga uniformat blu, nga përplasja janë dëmtuar pasagjerët në automjetin që drejtohej nga 59-vjeçari, bashkëshortja dhe vajza e tij, përkatësisht V. Xh., 48 vjeçe, dhe I. Xh., 21 vjeçe.
Mësohet se të plagosurit po marrin ndihmë mjekësore në spitalin e Vlorës dhe janë jashtë rrezikut për jetën.
Grupi hetimor vijon punën për të përcaktuar shkaqet e këtij aksidenti.
