BRITANI- Një ngjarje e rëndë është regjustruar në Britani ku një shqiptar ka humbur tragjikisht jetën. Bëhet fjalë për Sali Byberi, i cili humbi jetën në Essex të Britanisë pasi një efektiv policie e ka neutralizuar me elektroshok
Ngjarja është raportuar nga BBC. Mësohet se policia shkoi në lavazhin e makinave që kishte hapur i riu shqiptar në Britani të madhe, por Byberi kundërshtoi një nga efektivët. Për ta neutralizuar, polici përdori elektroshok, por kjo gjë solli humbjen e jetës së të riut shqiptar.
Byberi ishte baba i tre fëmijëve Akil tetë vjeç, Egilson gjashtë dhe Fabio, pesë vjeç. Familja e tij është në kërkim të drejtësisë dhe përmes avokatëve të tyre ata kanë treguar traumën që kanë pësuar që prej vdekjes së djalit të tyre.
“Ende nuk mund ta besojmë se çfarë ndodhi dhe si na e morën Saliun. Është pothuajse e pamundur të gjesh fjalët për të përshkruar dhimbjen që ndjejmë. Kemi kaq shumë pyetje dhe gjithçka që shpresojmë tani është të paktën që të marrim përgjigje”, është shprehur motra e viktimës, Eli Sokolaj.
Tashmë Leonara Mafra, 31 vjeçe do i rrisë e vetme tre fëmijët. Familjarët apelojnë për drehtësi ndërsa autoritetet po hetojnë ngjarjen.
