SPANJË– Ka marrë fund arratia për 46-vjeçarin shqiptar të identifikuar me inicialet P.E që u arratis nga gjykata spanjolle ditën e premte.
Shqiptari me banim në bashkinë Castellón të Orpesa, përfitoi nga kaosi i shkaktuar nga vetëvrasja e një polici në Castelló dhe u arratis.
Mediat spanjolle shkruajnë se shqiptari kishte shkuar në selinë gjyqësore në kryeqytetin e La Plana për të nënshkruar për një proces që figuron në procesverbalin e tij dhe, kur zyrtari në detyrë vazhdoi ta identifikonte atë në kompjuter, ai zbuloi se kishte një urdhër kërkimi dhe paraqitjeje nga një gjykatë tjetër.
Pikërisht në atë moment ata dëgjuan të shtënën fatale të agjentit, i cili u vetëvra. 46-vjeçari e dinte se pas daljes në sistem të urdhër ndalimit ai do arrestohej kështu që përfitoi nga rastti i çoroditjes së momentit dhe ia mbathi.
Kur u kthye normaliteti në seli, agjentët verifikuan se ai ishte arratisur dhe nisën operacionin për gjetjen e vendndodhjes së tij.
