Florida është tronditur nga një ngjarje tragjike ku një motër dhe një vëlla binjakë 4-vjeçarë kanë vdekur pasi zuri gjumi të përqafuar në një sënduk të madh prej druri, ku prindërit fusnin lodrat e tyre. Lajmi është konfirmuar nga nënë e tyre Sadie Myers me një postim në rrjetet sociale duke dhënë edhe më shumë informacion se si ka ndodhur kjo ngjarje.
Ajo shprehet se ngjarja ka ndodhur të premten në darkë kur ajo ishte në punë, por ishte bashkëshorti i saj ai që i vuri në shtrat binjakët, të quajtur Aurora dhe Kellan si dhe dy vëllezërit e tyre të mëdhenj. Bashkëshorti i saj, Starr punonte gjatë ditës dhe Myers punonte natën në mënyrë që të mund të mbulonte shpenzimet e mëdha. Gjithmonë një nga dy prindërit gjendeshin në shtëpi për t’u kujdesur për katër fëmijët e tyre,por gjatë natës, binjakët 4-vjeçarë u zgjuan dhe vendosën të luanin me lodrat e tyre, gjë që e kishin bërë muajt e fundit. Binjakët, e ëma i gjente disa mëngjese duke fjetur në pjesë të ndryshme të çuditshme të shtëpisë, me kukullat e tyre të shpërndara rreth tyre.
Ja se çfarë shkruan Myers në rrjetet sociale:
“Të premten mbrëma, vendi i çuditshëm që ata zgjodhën për të rënë në gjumë ishte sënduku prej druri që ne përdorim për të ruajtur lodrat e tyre. Binjakët hoqën thuajse të gjitha kukullat nga sënduku, duke lënë vetëm disa në fund të ishin më të buta. Më pas ata u shtrinë dhe i zuri gjumi në krahët e njëri-tjetrit. Në një moment gjatë gjumit njëri prej tyre ka lëvizur, ndoshta duke parë një ëndërr, për pasojë kapaku është mbyllur”.
Kur në mëngjes gjeti krevatet e fëmijëve bosh, nëna u panikos dhe e gjithë familja filloi të kërkontë binjakët duke bërtitur emrat e tyre brenda shtëpisë. Më në fund, një nga vëllezërit e tyre më të mëdhenj hapi sëndukun dhe i gjeti brenda. Djali në fillim mendoi se binjakët thjesht po flinin dhe thirri mamin i gëzuar, por ky gëzim nuk zgjati fare sepse kur gruaja pa binjakët, e kuptoi që ato nuk po merrnin më frymë dhe ishte tepër vonë për t’i shpëtuar.
