Sipas “DailyMail” një foshnje gjashtë muajshe në Tajlandë i është ndryshuar ngjyra e syve nga kafe e errët në blu pasi piu një ilaç antiviral për të luftuar sëmundjen Covid. Ngjyra e syve të foshnjës ndryshoi brenda 18 orëve. Foshnja mori ilaçin “favipiravir”, i cili zakonisht rekomandohet nga mjekët për të luftuar gripin dhe Ebolën. Ai u është dhënë shumë pacientëve me Covid në pjesë të Azisë dhe Europës gjatë pandemisë, por ende nuk është miratuar në SHBA. Në një përpjekje për të shpjeguar fenomenin, mjekët në Bangkok pohuan se favipiravir ndoshta lëshonte një kimikat fluoreshent që u grumbullua në kornenë e syve të djalit të vogël. Pas pesë ditëve së ndërprerejes së trajtimit ngjyra e syve të djalit ndryshoi në ngjyrën e tyre natyrale. Foshnja gjashtëmuajshe nga Tajlanda është pacienti më i ri në botë që ka marrë ilaçin që përmban substancën favipiravir.
