Kreu i Grupit Parlamentar të PD-së, Gazment Bardhi tregoi edhe njëherë se pavarësisht çështjeve që e ndajnë me kreun e Partisë Demokratike të Rithemelimit, Sali Berisha, është i gatshëm të bashkëpunojë me të, për hir të organizimit të një aksioni opozitar.
Bardhi tha se të gjithë deputetët e opozitës mund të marrin pjesë në mbledhjet e përjavshme për këtë aksion, përfshirë këtu edhe vetë Lulzim Basha.
“Takimi i djeshëm nuk ishte mes meje dhe z.Berisha. Unë ndërmora iniciativën për të bërë një mbledhje të përbashkët me 43 deputetët e PD-së dhe Aleancës për Ndryshim. Ishte ftuar në këtë takim edhe z.Basha. Gjykuam që po, ne kemi çështje që na ndajnë, por ka shumë çështje që nuk kemi asnjë arsye për të mos koordinuar aksionin opozitar dhe për të mos qenë bashkë. Dhe dje, ne jemi bërë bashkë për disa çështje, fjala vjen zgjedhjet e lira dhe të ndershme janë një interes jo vetëm i opozitës por çdo qytetari. Kësaj tryeze mund t’i bashkohet çdo deputet i PD në Parlament dhe i njeh vetes statusin e të qenurit opozitar.
As unë, as z.Berisha nuk jemi në politikë për vetmen tonë. Unë jam në pozicionin ku ja, për qytetarët dhe interesin e tyre. Sot, interesi i qytetarëve, edhe i socialistëve që mund të duan Edi Ramanë, por sigurisht duan që vendi të të një opozitë funksionale, se vetëm kështu mund të kemi një demokraci funksionale. Z.Berisha ka mendimet e tij për çështje të caktuara, unë kam mendimet e mia”, tha ai në News24.
Duke mos arritur një zgjidhje optimale, Bardhi shprehet se tani po punon për një zgjidhje të pranueshme duke theksuar se pikërisht përçarja e ka dobësuar opozitën në tërësi si dhe rrezikon edhe shkrirjen e vetë PD-së.
“Për mua zgjidhja optimale për PD do të ishte një bashkim i PD edhe i strukturave, ringritja në një lidership të ri të partisë, por unë ia diktoj këtë mendim timin as z.Berisha apo z.Basha. Ndaj kalojmë nga zgjedhja optimale tek zgjedhja e pranueshme, e domosdoshme. Dhe ajo që ka ndodhur dje është një zgjedhje e domosdoshme. Nga konflikti është dobësuar opozita dhe rrezikon realisht shkrirjen e Partisë Demokratike”, tha Bardhi.
/ Newszone
