Para pak minutash në afërsi të Qafës së Koshovicës në Fier ka ndodhur një aksident ku janë përplasur dy automjete; një automjet tip “Benz” është përplasur me një furgon mallrash dhe si pasojë e përplasjes së fortë janë plagosur dy drejtuesit e mjeteve, të cilët janë dërguar me urgjence drejt spitalit rajonal të Fierit. Furgoni pas daljes nga rruga ka përfunduar në kanalin anësor dhe është kthyer përmbys. Ndërkohë në këtë aks është krijuar edhe një radhë e gjatë automjetesh prej disa kilometrash. Policia dhe grupi hetimor ndodhen në vendngjarje dhe po punohet për zbardhjen e dinamikës së këtij aksidenti nga i cili përveç të plagosurve pati edhe dëme të shumta materiale.
