Policia çeke shton në flotën e saj të makinave një Ferrari të sekuestruar nga kriminelët
Pasi e sekuestroi nga kriminelët, policia e Republikës Çeke përmirësoi flotën e saj të makinave të shërbimit me një Ferrari të fuqishme me një shpejtësi prej 326 kilometra në orë.
Makina kishte nevojë për disa modifikime përpara se të vihej në shërbim të policisë.
Ferrari 458 Italia, në fakt, është rilyer me ngjyrat zyrtare të policisë dhe është pajisur me të gjitha pajisjet e përdorura nga policia çeke.
Kostoja e transportit ishte rreth 12 mijë euro, aq sa do të kushtonte një Skoda e re, si makinat e tjera të flotës.
Ferrari, i cili do të drejtohet nga shoferë të trajnuar posaçërisht, do të përdoret kryesisht në shërbimet kundër garave të paligjshme të makinave dhe në ndjekjen e makinave të vjedhura.
Jiri Zly, kreu i departamentit të Policisë Rrugore, tha se makina do të përdoret kryesisht kundër “shoferëve më agresivë” në rrugët çeke.
Ferrari 458 është një makinë sportive me një trup të tipit berlinetta e ndërtuar nga prodhuesi i makinave Ferrari nga viti 2009 deri në vitin 2015.
