Arkeologët kanë gjetur pranë bregut të Detit të Vdekur katër shpata romake dhe një armë tjetër, e njohur si një pilum (shtizë romake), e cila daton 1900 vjet më parë.Kjo depo kaq e rrallë e armëve u gjet në rezervatin natyror En Gedi, i ruajtur në kuti druri dhe lëkure, sipas një deklarate të publikuar të mërkurën nga Autoriteti i Antikiteteve të Izraelit. Ja si shprehet studiuesit për këto gjetje:
“Gjetja e një shpate të vetme është e rrallë, por katër? Është një ëndërr! Ne po fërkojmë sytë për ta besuar”
BBC raporton se shpatat “jashtëzakonisht të ruajtura” u gjetën të ruajtura me copa lëkure, druri dhe metali. Tre nga shpatat kishin tehe hekuri në këllëf druri dhe ishin 60-65 centimetra të gjata. E katërta ishte 45 centimetra e gjatë. Sipas njoftimit për shtyp gërmimet e mëtejshme zbuluan një monedhë bronzi “ Bar Kokhba” e datës 132-135 pas Krishtit, e cila gjithashtu mund të konfirmojë datën e shpatave.
