Ministri i Brendshëm, Taulant Balla është takuar me kryetarin e Këshillit të Lartë i Prokurorisë, Alfred Balla.
Fokus i bisedës mes tyre ishte intensifikimi i goditjes së fenomenit të shpërndarjes së lëndëve narkotike dhe ashpërsimi i dënimeve ndaj veprave kriminale të kryera brenda perimetrit të sigurisë së shkollave.
Këshilli i Lartë i Prokurorisë bashkëpunon me Agjencinë e Mbikëqyrjes Policore për kryerjen e vetting-ut në momentin e pranimit dhe përfundimit të Shkollës së Magjistraturës, për magjistratët e ardhshëm prokurorë. Kjo praktikë tashmë e konsoliduar duhet të çohet më tej.
Pikë tjetër e diskutimit mes dy krerëve ishte dhe eficenca e Oficerëve të Policisë Gjyqësore pranë Drejtorive të Policisë ku KLP-ja vëren mungesë stabiliteti, që shkaktohet nga lëvizjet e shumta mes radhëve të këtyre oficerëve.
Gjatë takimit u diskutua dhe mbi veprimtarinë e Komisionit të Mbrojtjes së Prokurorëve (i cili drejtohet nga KLP-ja) ku ka përfaqësues të Ministrisë së Brendshme dhe Drejtorisë së Përgjithshme të Policisë.
/ Newszone
