Duket se 62-vjeçarin nga Elbasani nuk e ka ndalur as urdhri i mbrojtjes për të dhunuar bashkëshorten e tij.
Ai është arrestuar në flagrancë nga Policia e Elbasanit për dhunën e ushtruar.
NJOFTIMI I POLICISË:
DVP Elbasan/Specialistët për Hetimin e Krimeve të Komisariatit të Policisë Elbasan arrestuan në flagrancë shtetasin, 62 vjeç, banues në Elbasan, pasi ka ushtruar dhunë ndaj bashkëshortes së tij, e cila ishte e pajisur me urdhër mbrojtjeje.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
