TIRANË– Të tjera detaje kane dalë në dritë nga vrasja e bizneemenit Edmond Papa në zonën e Selitës në Tiranë. Dyshohet se autori i krimit e ka ndjekur nga pas Papën prej ditësh për të vëzhguar lëvizjet dhe itenerarin e tij. Në pamundësi për ta ekzekutuar në lëvizje për shkak se viktima lëvizte me një makinë të “fortifikuar” tip “Merceden Benz G” ai priti me durim momentin e duhur.
Dyshohet se viktima është “prerë në besë” nga një i njohur që ka informuar ekzekutorin për lëvizjet dhe itenerarin e tij. Informatori ka vënë në dijeni autorin ende të paidentifikuar për udhëtimin e 49-vjeçarit drejt Tiranës ku do vizitonte nënën e sëmurë.
Gjurmimit i erdhi fundi dhe pasditën e 16 dhjetorit autori kreu misionin e tij. Sapo Edmond Papa u ul në një lokal në zonën e Selitës vetëm 50 metra larg banesës së vëllait autori i maskuar hyri brenda dhe ekzekutoi me 9 plumba 49-vjeçarin. Në pamundësi për vetëmbrojtje Papa ra në tokë.
Autori u largua në këmbë nga vendi i ngjarjës dhe dyshohet se në fund të rrugës “Fadil Bodinaku” e priste një makinë. Papa u dërgua drejt Spitalit të Traumës por nuk mundi tu mbijetonte plagëve të plumbave që i kishin prekur organet jetësore.
Në kërkim të vrasësit Policia ka sekuestruar kamerat e sigurisë në zonë por ende asnjë e dhënë për të. Deri më tani sipas bluve të kryeqytetit shkak për atentatin ndaj Papës të jetë bërë e shkuara e tij kriminale. Ai rezulton i dënuar në Greqi për drogë dhe po ashtu i skeduar në Britaninë e Madhe po për trafik droge. Biznesmeni nga Saranda është i njohur në zonë pasi ka në pronësi një hotel “Blu Sky” dhe disa ptona në zonë e Ksamilit. /Edon Kuqi
