Kryeministri i Kosovës, Albin Kurti në një intervistë për televizionin polak, “TVPworld” është shprehur se Greqia është më afër njohjes së Kosovës si shtet.
Ai theksoi se Kosova në vitet e fundit ka bërë përparime diplomatike sa i përket komunikimit dhe bashkëpunimit me shtetet që nuk e njohin ende pavarësinë e saj, në veçanti me Greqinë.
“Dëshira e Kosovës për të hyrë në BE nuk ushqehet vetëm nga interesat vetjake, por se vendi do të donte të kontribuonte në BE, që është projekti më i rëndësishëm politik për paqen që nga Lufta e Dytë Botërore”, ka thënë Kurti
Ai tha gjithashtu se Kosova, duke pasur parasysh kostot e saj të ulëta të funksionimit për sa i përket marrjes me qira të lokaleve dhe fuqisë punëtore, mund të jetë një destinacion ideal për investitorët e huaj.
Deri më tani, Kosova njihet si shtet i pavarur nga 27 vende të BE, vendet të cilat nuk e njohin ende janë Spanja, Sllovakia, Qipro, Rumania dhe Greqia.
