“Brenda 31 marsit do të zyrtarizojmë 140 kandidatë për deputetë në zgjedhjet parlamentare të vitit 2025”.
Kështu u shpreh kryetari i PD, Lulzim Basha në fjalën e tij gjatë mbledhjes së Këshillit Kombëtar të PD.
Basha tha se puna do të vazhdojë intensivisht në terren për të ringritur Partinë Demokratike dhe shndërrimin e saj në opozitë ballore me qeverinë dhe Edi Ramën.
“Ky Këshill Kombëtar do të jetë në terren sepse për herë të parë ky Këshill Kombëtar nuk vjen thjeshtë dhe vetëm si vullnet i elitës partiake, por si propozim i terrenit të demokratëve dhe pranë demokratëve në organizmin e degëve të PD me qëllim që brenda fundit të vitit t’u japim demokratëve dhe shqiptarëve një strukturë të ripërtërirë dhe efektive, një program të rishikuar dhe të gatshëm për t’u përballur me grupet e interesit dhe opinionin publik dhe për t’u kthyer në alternativën e ardhshme qeverisësë. Brenda 31 marsit 140 kandidatë për deputetë të PD gati për proces zgjedhor në çdo moment, gati për t’u përballur me sfidën e ardhshme të zgjedhjeve parlamentare”, u shpreh Basha.
/ Newszone
