Aktori, këngëtari dhe tekstshkruesi amerikan Marc Anthony është nderuar në ‘Hollywood Walk of Fame’. Për të festuar këtë ngjarje të rëndësishme me të ishte edhe miku i tij, ylli i futbollit David Beckham. Beckham thotë se ndihet shumë krenar për këtë arritje të mikut të tij.
“Marc, ne të duam. Mos ndrysho kurrë sepse je vërtet një talent, por je edhe më shumë një person i veçantë. Shijoje këtë moment sepse ke fituar gjithë dashurinë dhe respektin.”
Ai shprehet se ka edhe shumë për të bërë;tani ndihet sikur sapo ka filluar dhe ky ishte vetëm një simbol për të vazhduar përpara. Gjithashtu të pranishëm në këtë event ishte edhe bashkëshortja e tij, modelja Nadia Ferreira dhe djemtë e tij Cristian dhe Ryan nga martesa e tij me aktoren Dayanara Torres.
“Unë ende kam shumë më tepër për të bërë. Por ky është vetëm një simbol për të vazhduar përpara. Ndihem sikur sapo kam filluar.”
Nga viti 2004 deri në vitin 2014, Anthony ishte i martuar me aktoren dhe këngëtaren Jennifer Lopez. Çifti kanë dy fëmijë së bashku.
