Mbrëmjen e djeshme në Vlorë mbeti i vdekur 41-vjeçari Leart Keka si pasojë e një atentati ku viktima është qëlluar nga persona të cilët lëviznin me një makinë ‘Audi’ me targa italiane. Viktima, Laert Keka rezulton se ka qenë i dënuar për bashkëpunim në një vrasje.
Mësohet se ai me disa shokët e tij kanë kryer një grabitje në vitin 2000. Ata kanë goditur një distriburtor karburantesh dhe janë përplasur me rojën. Mësohet se autorët e kanë qëlluar atë më qytën e armës duke e lënë të vdekur.
Në atë kohë Keka u dënua në Shkallën e Parë me 12 vjet burg, ndërsa shoku i tij F.Habili me 11 vite burg dhe F. Mezuraj me 12 vite burg. Apeli më pas i shpalli të pafajshëm dhe çështja shkoi në Gjykatën e Lartë, ku u konfirmua dënimi.
Po ashtu dyshohet se ai ka marrë pjesë në rrëmbimin dhe vrasjen e një kambisti. Deri tani ka shkuar në 30 numri i personave të pyetur nga Policia, ndërsa 10 persona janë shoqëruar në Komisariat si dëshmitarë okularë.
Sipas dëshmitarëve, në makinën ‘Audi A6’ me targa italiane, me xhama të zinj ndodheshin shoferi dhe qitësi. Fillimisht në drejtim të viktimës është goditur kur ai ka qenë në lëvizje me motor.
Autori i ‘Audi A6’ doli jashtë për t’u siguruar se e kishte ekzektuar viktimën. Leart Keka ndërroi jetë kur ekzekutori doli nga makina dhe e qëlloi për herë të fundit në kokë.
Lajmi në përditësim….
