Transportonte 8 emigrantë të paligjshëm: Arrestohet në flagrancë 31-vjeçari

Policia e Vlorës ka vënë në pranga 31-vjeçarin, i identifikuar si Indrit Sulo pasi akuzohet se ndihmonte emigrantët e paligjshëm. Pas operacionit të koduar “Drashovica”, është bërë i mundur ndalimi i të riut në aksin rrugor “Peshkopi-Vlorë”. Në automjetin tip “Ford Focus”, ishin 8 emigrantë me shtetësi afgane, të cilët po transportoheshin, kundrejt pagesave, me qëllim kalimin e kundërligjshëm të kufirit, drejt vendeve të BE-së. Gjithashtu në cilësinë e provës materiale u sekuestrua automjeti “Ford Focus”, 150 dollarë dhe 50 euro false, të dyshuara të përfituara nga kjo veprimtari kriminale, si dhe 1 celular.