Kryetari i PD, Lulzim Basha nuk do të jetë në seancën e sotme të Kuvendit.
Newszone.al mëson se Basha ndodhet jashtë vendit në një mbledhje në Këshillin e Europës, ku do të qëndrojë për 2 ditë.
Gjithashtu, mësohet se menjëherë pas kthimit nga Franca, Basha pritet që të mërkurën të mbledhë kolegjin e Kryetarëve dhe kryesinë e re.
Ndërkohë që në seancën e sotme do të mungojë edhe Sekretari i Përgjithshëm, Enkelejd Alibeaj, i cili ka udhëtuar në Itali për shkak të një humbje të afërt familjare.
Seanca e kësaj të hëne pritet të shoqërohet me debate mes mazhorancës dhe opozitës.
Kuvendi pritet të votojë edhe ndryshimet në qeveri.
/ Newszone
