Hekurudha Shkodër-Vorë në afërsi të stacionit të Ishmit është përfshirë nga një zjarr i përmasave të mëdha dhe për pasojë ka djegur rreth 1 kilometër traversa druri të kësaj hekurudhë, e cila prej vitesh është jashtë funksioni.
Është dita e tretë që segmentit të kësaj hekurudhe i vihet flaka dhe dyshimet janë që po përgatitet terreni për vjedhjen e shinave pasi kjo hekurudhë prej vitesh tashmë është pre e vjedhjes së shinave dhe materialeve të tjera metalike, të cilat shiten për skrap nga individë të ndryshëm.
Ndërkohë, policia ndodhet në vendngjarje dhe po heton zbardhjen e plotë të shkaqeve.
