Deputeti Saimir Korreshi i ftuar në emisionin ‘Shqipëria Live’ konfirmoi se do të jetë pjesë e formatit ‘Dancing With the Stars’ edicioni i dytë që do të transmetohet në ‘Top Channel’.
I pyetur nga moderatorja e emisionit se si është me belin Korreshi u shpreh se ka zënë ndryshk dhe nuk i përgjigjet trupi, por duhet ta provojë si eksperiencë.
Ai tha se nëse ka një dasmë e merr vallen i pari dhe kjo e shtyu që në dasmën e tij t’i bëntë një suprizë nuses duke u veshur me veshje tradicionale të Lushnjes dhe Myzeqesë. Sa përket partneres që do të ketë në kërcim zgjodhi të mos e zbulojë, por ta lërë suprizë për publikun.
