6 persona me shtetësi shqiptare, dyshohen të komunitetit rom, janë ekzekutuar pasditen e sotme në periferi të Athinës. Ngjarja ka ndodhur në rrugën Arafinos, në afërsi të kryeqëzimit me rrugën Arionos në Artemisa të Athinës.
Ata janë qëlluar brenda një automjeti nga një distancë e afërt.
Dyshohet se shqiptarët janë ekzekutuar nga një bandë rivale e trafikut të drogës.
Mbi viktimat është qëlluar 25 herë sipas raportimeve të mediave greke. Këto të fundit kanë publikuar edhe pamjet e para nga vendi i ngjarjes.
Siç duket nga fotot, trupat e 5 viktimave ndodhen ende brenda automjetit, ndërsa i gjashti është gjetur jashtë tij.
Mediat greke raportojnë se policia është në kërkim të një veture dhe një motoçiklete, të cilat janë përdorur nga autorët.
/ Newszone
