Begaj takim në Maqedoninë e Veriut me përfaqësuesit e partive politike shqiptare

Presidenti Bajram Begaj gjatë qëndrimit të tij në Shkup është takuar me përfaqësuesit e partive politike kryesore shqiptare në Maqedoninë e Veriut. Takimet u zhvilluan me Kryetarin e PDSH-së, Menduh Thaçi, me Kryetarin e Lëvizjes Demokratike, Izet Mexhiti, me Kryetarin e Bashkimit Demokratik Për Integrim, Ali Ahmeti, me Kryetarin e Partisë Demokratike Evropiane, Arjanit Hoxha, si dhe me figura të tjera të rëndësishme të politikës në Maqedoninë e Veriut. Gjatë bisedimeve Begaj u ndal te nevoja e koordinimit dhe e bashkëpunimit më të ngushtë mes faktorit shqiptar në rajon sepse kjo do të ishtë në dobi së pari në dobi të mirëqenies së shqiptarëve, e pa diskutim edhe në funksion të përmbushjes së objektivit strategjik sa më shpejt, atë të integrimit në Bashkimin Evropian të vendeve të rajonit.