Policia e Fierit ka finalizuar operacionin ‘District’ dhe ka vënë në pranga një 54 vjeçar. Shtetasi Eduart Rexhepaj u arrestua në flagrancë teksa Policia ushtroi kontroll në lokalin e tij në lagjen ’16 prilli’ ku konstatoi se ishte përshtatur për përdorim dhe shitje kokaine në doza. U sekuestruan 50 doza të dyshuara të lëndës narkotike kokainë, 250 euro të dyshuara të përfituara nga veprimtaria kriminale dhe 3 celularë. I arrestuari do të përballet me akuzat “Prodhimi dhe shitja e narkotikëve”, “Përshtatja e lokalit për përdorim droge” dhe “Nxitja për përdorimin e drogës”.
