Senatorët amerikanë Joni K. Ernst dhe Gary C. Peters, i janë drejtuar me një letër Sekretarit Amerikan të Shtetit Anthony Blinken, për garantimin e të drejtave të shqiptarëve në Luginën e Preshevës.
Lajmi është bërë publik nga këshilltarja politike e Kryeministrit të Republikës së Kosovës për Preshevë, Medvegjë dhe Bujanoc, Ardita Sinani.
Sinani ka paraqitur përmes një postimi në Twitter dhe letrën e firmosur nga dy senatorët, ku theksohet se zyrtarët lokal kanë faktuar diskriminimin e shqiptarëve nga Beogradi.
Sipas tyre kërkohet ndërhyrje për të bërë të mundur që Serbia të respektojë planin 7 pikësh që siguron të drejtat e shqiptarëve në Preshevë, Medvegjë dhe Bujanoc.
“Brifing-u për Luginën në Senatin e SHBA-ve, organizuar bashkërisht nga zyrat e Senatores Joni K. Ernst dhe Senatorit Gary C. Peters, bashkëkryesues të Grupit për Çështje Shqiptare në Senat i mbajtur me 28.02.2023, dha rezultatet e veta”, shkruan Sinani.
Brifing-u për Luginën në Senatin e SHBA-ve, organizuar bashkërisht nga zyret e Senatores Joni K. Ernst dhe Senatorit Gary C. Peters, bashkëkryesues të Grupit për Çështje Shqiptare në Senat i mbajtur me 28.02.2023, dha rezultatet e veta.https://t.co/jt7sExZvzv pic.twitter.com/G6YGlCU6eY
— Ardita Sinani (@SinaniArdita) September 12, 2023
