Mëngjesin e kësaj të mërkurre ka ndodhur një shpërthim në një fabrikë në Qipro, në provincën e Larnaka, ku mbetën të plagosur tre persona, njëri prej të cilëve ndodhet në gjendje të rëndë.
Sipas mediave të huaja mësohet se shpërthimi ka ndodhur në një fabrikë për riciklimin e metaleve në zonën industriale të Aradippou, kur në rrethana që po hetohen, shpërthimi ka shkaktuar një objekt metalik. Si pasojë e shpërthimit janë lënduar tre persona të cilët janë dërguar me ambulancë në Spitalin e Përgjithshëm të Larnakës.
Menjëherë në vendngjarje kanë mbërritur forcat e policisë dhe po kryejnë hetimet. Sipas informacioneve thuhet se shpërthimi është shkaktuar nga një automjet që kishte transportuar metale për riciklim në fabrikë.
