Sekretari për çështjet ligjore dhe zgjedhore në PD, Indrit Sefa u shpreh se PD ka nisur organizimin për zgjedhjet e përgjithshme.
Ai u shpreh se sot në mbledhjen e Kryesisë dhe Kolegjit të kryetarëve, diskutimi do të jetë me karakter organizativ.
“Janë takime me karakter organizativ. Kanë mënyrë të ndryshme të organizmit të PD në degë. PD do jetë gati për zgjedhjet e përgjithshme dhe në funksion të qytetarëve. Kjo kërkon hapa shumë të shpejtë që të jemi gati në momentin më të parë të mundshëm. Kemi filluar të ngremë infrastrukturën e nevojshme për t’u futur në fushatë”, tha ai.
Ndërkohë i pyetur nëse janë pro bashkimit të PD, ai tha: “Basha ka thënë se dera është e hapur për secilin. Nuk do t’i mohohet askujt, në çdo moment mund të bashkohet në çdo moment, por linjat e janë të përcaktuara qartë, mbajmë të njëjtat si për non-gratat e qeverisë, ashtu edhe për atë që vjen në shtëpinë tonë.
PD bashkohet kur bashkohen njerëzit aty poshtë”.
/ Newszone
