Gazetari Agim Baçi tha në një intervistë për Euronews Albania se deputetët e PD që kanë mbështetur Sali Berishën duhet të mbajnë një qëndrim të hapur politik pse e kanë bërë këtë.
Sipas tij, Sali Berisha duhet të kishte dhënë dorëheqjen në momentin që u shpall non grata nga SHBA për të mos i ngarkuar demokratët me hallin e vet, por ai bëri të kundërtën.
“Politika është akt publik; thuaje jam me Sali Berisha, jam me më të fortin. Në momentin që zgjidhesh ose duhet të thuash jam me më të fortin, duhet të sqarojnë arsyen e qëndrimit me Berishën. Berisha e fitoi gjë gjyqi që tha? U tall me demokratët, hodhi gjyqin në Paris. Ka një ndershmëri. Politika është e tillë, kur vjen në këtë proces, jep dorëheqjen, thua unë s’dua t’i ngarkoj demokratët me problemin tim personal, ky bëri të kundërtën. Unë kamë votuar Berishën dhe nuk do të doja që kryeministri që kam votuar unë të ketë probleme me SHBA se unë nuk e mendoj se DASH është kaq jo serioz sa të ndikohet nga Rama”, tha Baçi.
