Në Greqi ka vdekur një 28-vjeçare shqiptare si pasojë e një aksidenti tragjik i cili ndodhi mëngjesin e sotëm në autostradën kombëtare Athinë-Korinth.
Mësohet se 28-vjeçarja ishte me origjinë nga Shqipëria dhe ka qenë pasagjere e një motori që është përplasur me një automjet dhe si pasojë e përplasjes, 28-vjeçarja ka humbur jetën, ndërsa drejtuesi i motorit, shtetas grek ka mbetur i plagosur rëndë.
Nga ana tjetër, drejtuesi i makinës që u përfshi në aksident dhe u largua nga vendi i ngjarjes është lokalizuar nga policia dhe është arrestuar.
