Ministria e Shëndetësisë e kontrolluar nga Hamasi deklaroi se pas një shpërthimi që ndodhi sot gjatë një demostrate pranë murit të Gazës mbetën të vrarë 5 persona, ndërsa 19 të tjerë u plagosën.
Ja çfarë tha ushtria izraelite në një deklaratë:
“Gjatë orëve të fundit, qindra protestues morën pjesë në një demonstratë pranë murit të sigurisë në pjesën veriore të Rripit të Gazës”.
Sipas njoftimit të ushtrisë, palestinezët hodhën një eksploziv të improvizuar pranë murit, i cili shpërtheu para kohe, duke vrarë disa prej tyre. Demonstrata u mbajt me rastin e 18-vjetorit të tërheqjes së ushtrisë izraelite nga Rripi i Gazës dhe 30-vjetorit të Marrëveshjes së Oslos.
Rreth 2.3 milionë palestinezë ndodhen në Rripin e Gazës, një enklavë e vogël bregdetare e rrënuar nga varfëria dhe papunësia. Izraeli vendosi një bllokadë të rreptë të Gazës pasi Hamasi mori pushtetin në vitin 2007.
