Petteri Taalas, kreu i Organizatës Botërore Meterologjike të OKB-së ka deklaruar se shumica e viktimave nga përmbytjet në Libi mund të ishin shmangur. Ai u tha gazetarëve se vendi mund të kishte lëshuar paralajmërime.
“Forcat e menaxhimit të urgjencës duhet të kryenin evakuimin e njerëzve dhe ne mund të kishim shmangur shumicën e viktimave”.
Ajo çfarë e bën të vështirë reagimin në mënyrë të shpejtë dhe të koordinuar është fakti se Libia ka dy qeveri rivale dhe secila prej tyre njoftoi masa paraprake të veçanta, pas nisjes së stuhisë.
