Ditën e sotme në Kuvend lehtësimi i akuzave për fisin Rraja, të cilët dhunuan dy kushërinj të fisit Maja pak muaj më parë në Borizanë të Krujës është bërë objekt debati.
Ishte ish-kryeministri Sali Berisha ai që ironizoi sistemin e drejtësisë duke e cilësuar nënkryetaren e Kuvendit, Ermonela Felaj si ‘prokuroria Felaj’. Ai u shpreh se kjo e fundit duhet dënuar në këtë seancë.
Berisha: Prokuroria Felaj kreu akt kriminal. Rrumbullaku mashtroi me 200 arrestime për llogari të Ballës dhe Ramës
Pra, është një seancë kjo në të cilën duhet të dënoni Prokurorinë Felaj.
Prokuroria Felaj, në një akt kriminal të pashembullt, shpalli plagosje të lehtë, çarjen e kockës frontale dhe parietale dhe thyerjen e ulnës te një qytetar nga fisi Rraja.
Kjo është ndërhyrje direkt e Edi Ramës dhe Taulant Ballës dhe është një akt kriminal.
Dënoj me forcën më të madhe mega-mashtrimin publik.
Sot Rrumbullaku në sqetullën e Ramës, u thotë shqiptarëve se në një ditë u arrestuan 200 trafikantë.
I kërkoj këtu nga parlamenti të nxjerrë emrat, ose seancën tjetër do të quhet 200 herë gënjeshtar. Të nxjerrë emrat e të arrestuarve, të nxjerrë grupet se thotë 23 grupe.
E kuptoni ju propagandën Rama-Balla të mashtrimit dhe mbulimit të krimit me shifra të rreme.
