Një apartament në katin e 9-të të një pallati në Tiranë është përfshirë nga flakët. Fillimisht zjarri ka rënë në ballkonin e një banese , në katin e fundit. Ngjarja ka ndodhur pranë ish-parkut të autobuzave. Dy forcat zjarrëfikse kanë mbërritur në vendngjarje, teksa ende nuk dihen shkaqet e rënies së zjarrit. Për shkak të veshjes së pallatit me polesterol zjarri është përhapur jashtë apartamentit si dhe në pallatin ngjitur. Deri tani nuk raportohet për të lënduar.
NJOFTIMI I POLICISË:
Tiranë/Informacion paraprak
Më datë 14.09.2023, rreth orës 14:20, në rrugën “Sali Butka”, ka rënë zjarr në ballkonin e një banese, në katin e fundit të një pallati.
Në vendngjarje janë shërbimet e Policisë dhe zjarrfikëset të cilat po punojnë për fikjen e zjarrit.
Grupi hetimor po punon për sqarimin e rrethanave të ngjarjes
