Duket se koha është ndalur për këngëtaren Bleona Qerreti sepse jo vetëm në fytyrë ku duket se nuk njeh moshë, por dhe fiziku i saj vazhdon të jetë bombastik.
Prej vitesh tashmë ajo jeton në Shtetet e Bashkuara të Amerikës, aty ku krahas karrierës muzikore i ka hyrë edhe aktrimit ku është bërë pjesë e disa roleve filmike.
Ajo është gjithashtu shumë aktive edhe në rrjetet sociale ku ndan foto të ndryshme ku herë pas here poston imazhe mjaft provokuese.
E kështu ka bërë edhe së fundmi, ku në “Instagram” Bleona ka ndarë me mijëra ndjekësit disa fotografi ku shfaqet mjaft elegante dhe seksi.
Bukuroshja shqiptare i ka realizuar pozat në një dhomë hoteli, ku shfaqet e shtrirë në krevat teksa lexon një gazetë. Ndërkohë pranë saj qëndron një zonjë që i mban gotën e shampanjës dhe dikush tjetër që i vesh këpucët.
Imazhet në fjalë kanë marrë mijëra pëlqime dhe komplimente të shumta. Por nuk kanë munguar as komentet negative që Bleona ka vendosur që t’u përgjigjet. Ja komenti që ajo mori:
“Se kush ja var më kësaj tani, besoj vetëm pleqtë se në atë kategori është futur kjo”.
Këtë koment këngëtarja e ka lexuar dhe ka vendosur që t’i kthejë përgjigje menjëherë. Bleona i shkruan:
“Po ti pse ma var shtrohet pyetja? Se këtu as nuk komenton dot nëse nuk më ndjek. Ik tani bëj unfollow dhe shijo këto vite që të kanë ngelë pa u shqetësuar për mua”.
