Kolegji Zgjedhor ka rrëzuar vendimin e Komisionit të Ankesave dhe Sanksioneve si dhe të kryekomisionerit Celibashi të cilët njohën Partinë e Lirisë si forcën e parë të opozitës, duke i dhënë 2 komisionerë të KZAZ-ve për zgjedhjet në Kukës.
Partia Demokratike me vendimin e sotëm të Kolegjit Zgjedhor njihet si partia më e madhe e opozitës duke marrë të drejtën për të propozuar 2 anëtarë në KZAZ.
Partisë së Lirisë iu dha e drejta për vetëm 1 anëtarë në KZAZ.
Kujtojmë se në zgjedhjet lokale në Kukës do të marrin pjesë Partia Socialiste e Shqipërisë dhe koalicioni Bashkë Fitojmë, ndërkohë që PD zyrtare vendosi të mos marrë pjesë.
