Zyrtarët raportojnë se në pyjet tropikalë të Amazonës është rrëzuar një avion dhe si pasojë e aksidentit kanë ndërruar jetë 14 pasagjerë të cilët ishin brazilianë.
Aksidenti ndodhi të shtunën në rajonin verior të Amazonës në Brazil, rreth 250 milje në veriperëndim të Manaus, qyteti më i madh në Amazon.
Avioni me turistë ishte nisur nga Manaus dhe po përpiqej të ulej si pasojë e shiut të dendur në Barcelos, në brigjet e Rio Negro, ku më pas u rrëzua.
Wilson Lima, guvernatori i shtetit të Amazonas në një postim në rrjetin social ‘X’ u shpreh se ndihet shumë keq për vdekjen e pasagjerëve si pasojë e rrëzimit të avionit në Barcelos. Ja postimi i tij:
“Më vjen shumë keq për vdekjen e 12 pasagjerëve dhe dy anëtarëve të ekuipazhit që ishin viktima të rrëzimit të avionit në Barcelos të shtunën”
