Në rrugën “Misto Mame” në kryeqytet ka rënë zjarr.
Deri tani dyshohet se nga flakët është përfshirë një shtëpi banimi, ndërsa tymi ka pushtuar zonën e “Kombinatit”.
Mendohet se shkaku i zjarrit ka qenë defekti i bombulës së gazit.
Në vendin e ngjarjes shihet zjarrfikësja, ndërsa pas saj vjen dhe ambulanca.
Sipas raportimeve, forcat zjarrfikëse dhe të policisë kanë nxjerrë mes flakëve personat që kanë qenë brenda, mes tyre edhe fëmijë, të cilët të shqetësuar kanë dalë në rrugë.
NJOFTIMI I POLICISË:
Më datë 17.09.2023, rreth orës 14:35, në lagjen “Misto Mame”, dyshohet se si pasojë e një defekti në bombulën e gazit, ka rënë zjarr në një banesë private.
Në vendngjarje ndodhen shërbimet e zjarrfikëses dhe të Policisë, të cilat po punojnë për fikjen e zjarrit.
Grupi hetimor ndodhet në vendngjarje dhe po punon për sqarimin e rrethanave të ngjarjes.
