Gazatari Artan Hoxha ka qenë i ftuar në MCN TV dhe gjatë debatit që pati me Vangjel Dulen e cilëson si të paprecedentë presionin që Greqia ushtron ndaj drejtësisë shqiptare për rastin e Fredi Belerit. Ai sjell në vëmendje edhe rastin e arrestimit dhe dënimit të Spiro Kserës për korrupsion disa vite më parë, por që nuk pati një interesim të tillë nga Athina zyrtare. Deklarata e tij:
“Unë nuk di një çështje tjetër. Ka dhe shtetas të tjerë që janë të arrestuar, por unë nuk kam parë këtë lloj interesi. Unë mbaj mend që ish-prefekti i Gjirokastrës dhe ish-ministri, Spiro Ksera, shkoi në burg, por unë nuk pashë që t’i shkonte atje as ndonjë Ministër i Brendshëm i Greqisë, as kryetarët e bashkisë së Athinës e Selanikut apo as autoriteti më i madh hierarkik i ortodoksisë, kryepeshkopi Anastas Janullatos. Gjithë ky presion ndaj drejtësisë është një rast i paprecedentë!”.
