Këtë të hënë u mbajt seanca e Fredi Belerit dhe Apeli i Posaçëm ka rrëzuar sërish kërkesën e Belerit për ndryshim të masës së sigurisë ‘arrest me burg’. Ai kërkoi lirinë duke insistuar duhet të betohet si kryebashkiak i zgjedhur i Himarës, por Apeli i GJKKO e la në burg. E pranishme në gjykatë ishte edhe ambasadorja greke, Kostandina Kamitsi si dhe Vangjel Dule.
Në kohën teksa po mbahej seanca një qytetar ka protestuar i vetëm në Apelin e GJKKO.
Qytetari i drejtohet ambasadores greke duke i thënë se po mbrojnë një vrasës. Ja si shprehet ai:
“Jeni kriminelë, ai është një vrasës. Ai është vrasës, turp t’i vijë”.
