Teksa Volosi vazhdon të numërojë plagë nga stuhia ‘Daniel’, Greqia është tronditur nga dy të vdekur brenda pak orësh në aksidente pune.
Në rastin e parë u vra një baba i ri i dy fëmijëve të mitur me origjinë shqiptare dhe në rastin e dytë një punëtor 28-vjeçar.
Magnesianews.gr raporton se pavarësisht mobilizimit të shpejtë të dy personat kanë humbur jetën në çast.
Punëtori 38-vjeçar është gjetur i vdekur në Trikeri të Volos.
Sipas informacioneve nga mediat vendase thuhet se ishte duke kryer punë pastrimi pas përmbytjes, kur një makineri e ka zënë dorën e tij, duke bërë që ai të përfshihet dhe të humbasë jetën. Viktima oshte baba I dy fëmijëve 5 dhe 11 vjeç, ishte me origjinë shqiptare dhe jetonte me familjen në Trikeri.
Pa kaluar kohë nga aksidenti i parë, një tjetër aksident ka ndodhur në çelikun e Volos, ku viktima është një 28-vjeçar, i cili merrej me mirëmbajtjen e makinerive.
Ai merrej me mirëmbajtjen e makinerive dhe teksa punonte në një zonë joprodhuese, në rrethana të panjohura, makina ka hyrë në punë duke e plagosur për vdekje. Shkaqet e sakta të aksidentit janë duke u hetuar.
