Këtë të hënë në Malësinë e Madhe në vendin e quajtur ‘Qafa e Bardalecit’, në fshatin Vermosh ka ndodhur një plagosje me armë zjarri ku për pasojë u plagos 30-vjeçari Mati Pemaj.
Falë veprimit të shpejtë të policisë është bërë i mundur ndalimi i autorit të kësaj ngjarje një 55 vjeçar,i identifikuar si Gjergj Marku i cili gjatë largimit kishte përplasur një automjet dhe kishte kanosur me fjalë drejtuesin e tij që kishte ndihmuar të plagosurin.
Ngjarja ka ndodhur pas një konflikti për motive të dobëta mes të plagosurit dhe autorit. Nën hetim është edhe gruaja e autorit.
Ndërkohë materialet procedurale do t’i kalojnë Prokurorisë, për veprime të mëtejshme.
