Gazetari Artan Hoxha ka reaguar lidhur me debatin për Fredi Belerin. Ai tregon se si u njoh me emrin e tij në gazetën greke “Ta Nea” në vitin 1995, ku paraqitej si një nga pjestarët e komandos së armatosur, të cilët u arrestuan nga policia greke teksa po lëviznin në afërsi të kufirit me Shqipërinë.
Ai ironizon duke thënë se për të gjithë ata që kanë dyshime se e kemi inat Bejlerin dhe se i kemi rënë në qafë kot, kjo është prova që vërteton se emri ne tij e publikuan grekën dhe jo Artan Hoxha.
“E ruaj ende në arkivë gazetën greke “Ta Nea” të datës 20 mars 1995, një ditë pas sulmit të dështuar të komandos terroriste me emrin “Pirro 1”, pjesë të ashtuquajturit MAVI(Fronti për Çlirimin e Vorio Epirit). Me titullin: “U kapën 7 provokatorë të kufirit”.
Gazeta më e madhe greke në atë kohë, pasqyronte që në faqen e parë, skemën sesi një komando terroriste synoi të asgjësonte repartin kufitar të ushtrisë shqiptare, në fshatin Llongo të Gjirokastrës.
E njëjta skuadër synoi të përsëriste atë që bëri më 10 prill 1994, kur gjatë sulmit në Repartin ushtarak të fshatit Peshkepi, vrau dy Dëshmorët e Atdheut, Fatmir Shehu dhe Arsen Gjini, si dhe plagosi 3 ushtarë të tjerë.
Për herë të parë emrin e Fredi Bejlerit e kam lexuar në këtë gazetë greke, ku paraqitej si një nga pjestarët e komandos së armatosur deri në dhëmbë, të cilët ishin arrestuar nga policia greke ndërsa po lëviznin me dy mjete në afërsi të kufirit të Republikës së Shqipërisë….
Për të gjithë ata që kanë dyshime, se e kemi inat Bejlerin nga Progonati pse ndihet grek dhe i kemi rënë për 30 vite më qafë kot, ja ku është prova…
Emrin e Fredit që nuk ishte bërë akoma Dhionisios, të përfshirë në Masakrën e Peshkëpisë, e publikuan grekët, jo Artan Hoxha…
Jasu palikari…
Zito ALVANIA”, shkruan Artan Hoxha.
/ Newszone
