Policia e Kosovës ka njoftuar se një person dyshohet se është vrarë në orët e para të mëngjesit të së mërkurës në fshatin Banjë të Malishevës.
Raportohet se një person i moshuar është gjetur pa shenja jete, i cili dyshohet të jetë qëlluar me armë zjarri. Vdekja e viktimës është konfirmuar nga ekipi mjekësor.
I dyshuari është dorëzuar në Polici.
Një person, po ashtu i moshuar, është dorëzuar në stacionin policor në Malishevë.
NJOFTIMI I POLICISË:
“Nga hetimet e para dyshohet se i njëjti, për motive ende të panjohura, ka qëlluar viktimën me armë zjarri. Njësitet e nevojshme policore kanë dalë në vendin e ngjarjes si dhe është njoftuar prokurori i shtetit në koordinim të cilin janë duke u ndërmarr veprimet e nevojshme hetimore”.
