Disa ditë më parë këngëtarja e njohur Greta Koçi dha lajmin e ëmbël se së shpejti do të bëhet nënë, me një fotogaleri nga ‘babyshower’ që organizoi me miqtë e familjarët.
Duket se lajmet e bukura nuk kanë mbaruar akoma pasi vetë Greta ka dhënë një tjetër lajm të bukur për ndjekësit e saj.
Në një postim në ‘Instastory ‘ajo bën me dije se së shpejti do të sjellë një projekt të ri muzikor kushtuar mbesës së saj, që mban po të njëjtin titull ‘Mbesa ime’.
Këngëtarja nuk ka dashur të nxjerrë më shumë detaje nga kënga e re që siç thotë pritet të publikohet në ditët në vijim.
