Mbrëmjen e së mërkurrës një rast i paprecedentë ka ndodhur në një nga komisariatet e Tiranës ku një efektive e patrullës në komisariatin nr 1 në Tiranë së bashku me kolegun e saj kanë gjetur një armë zjarri brenda automjetit të shërbimit.
Fillimisht, punonjësja e policisë ka humbur një send personal dhe ka kërkuar së bashku me kolegun në mjet.
Në pjesën e poshtme të sediljes së pasagjerit kanë gjetur një çantë të zezë meshkujsh të mbuluar me pluhur. Kur e kanë hapur brenda saj kanë gjetur një pistoletë TT ecila është dërguar në laborator pë shenjat e gishtave.
Deri tani dyshohet se arma mund të jetë lënë nga ndonjë person i shoqëruar që ka qenë i armatosur i cili ka përfituar nga mungesa e vëmendjes së efektivëve dhe e ka fshehur.
Akoma nuk dihet sesa kohë ka patur arma e fshehur brenda makinës së policisë ndaj hetuesit nuk kanë akoma ndonjë emër të dyshuar.
Në hetime ka marrë pjesë edhe Agjencia e Mbikëqyrjes Policore.
Lajmi në përditësim….
