Të mërkurrën në një rrugë në Hjuston, qyteti më i populluar në Teksas, SHBA dhjetë fëmijë dhe dy të rritur u plagosën pasi autobusi i shkollës u përmbys.
Aksidenti ka ndodhur kur një makinë është përplasur kokë më kokë me një autobus shkolle.
Sipas Departamentit të Zjarrfikësve të Hjustonit, dhjetë nxënës dhe dy të rritur, drejtuesi i autobusit të shkollës, si dhe drejtuesi i makinës së përfshirë në aksident u dërguan në spital me lëndime të lehta.
