Këtë të enjte dy vajza janë plagosur si pasojë e një aksidenti rrugor të ndodhur në superstradën Lezhë-Shkodër ku një kamper e një çifti gjerman është përplasur me një makinë tip Golf.
Si pasojë kanë ngelur të plagosura drejtuesja dhe pasagjerja që ndodheshin në automjet.
Burime nga spitali theksojnë se të lënduarat janë një 28 vjeçare dhe një 30 vjeçare të cilat kanë pësuar fraktura të shumta në trup, ndërsa çifti gjerman ka pësuar dëmtime të lehta.
Ndërkaq autoritetet ndodhen në vendin e ngjarjes për zbardhjen e plotë të kësaj ngjarje.
